Kálfatjarnarkirkja-Staðarborg 27.9.2020

 Sunnudaginn þann 27.9. er  ætlunin að ganga á Vatnsleysuströnd  og hefja gönguna við   Kálfatjarnarkirkju. Þar verður gengið niður í fjöru   Kálfatjarnarvör skoðuð og fallega uppgerð mannvirki á staðnum. Kirkjan sjálf er stór og reisuleg og tekur 150 manns í sæti. Síðan er stefnan tekin í suður inn á Strandaheiði að fjárborginni Staðarborg, hún er ein sú fallegasta af sinni tegund á landinu tveir metrar á hæð og 8 metrar í þvermál. Þá er haldið í vestur og komið á þórustaðarstíg sem liggur frá þórustöðum inn á Vigdísarvelli um 18 kílómetra leið en við höldum í áttina að Þórustöðum og svo til baka að kirkjunni . Slóðin er víða horfin og ógreinileg og stundum er mjög óslétt undir fæti. Þeir sem vilja geta snúið við hjá Staðarborg og farið sömu leið til baka.
Mæting á rúmgóðu bílastæði við Kálfatjarnarkirkju. Þetta eru tæpir 6 kílómetrar, með stoppum er gott að gera ráð fyrir vel rúmum tveimur tímum í gönguna. Gott er að hafa staf og eitthvað að drekka og maula,vera í góðum skóm sem halda vel við og auðvita í hlýjum fötum.  Nánari upplýsingar og skráning steinunnf50@gmail.com . Best er að skrá sig sem fyrst því ekki er gott að það séu mikið meira en 20-25 í hópnum.       Kostnaður 1000 kr.greiðist á staðnum.