Páskagönguferð í Montserrat

Gönguferð í einstöku landslagi 6.-13.páskana 2020

Páskana 2020 býður Göngu-Hrólfur aftur upp á einstaklega skemmtilega gönguferð um þrjá  þjóð- og náttúrugarða í nágrenni Barselóna því frumraunin sem var páskana 2019 tókst mjög vel.  Hver garður býr yfir sérstæðri náttúru og miklu aðdráttarafli. Fyrst ber að nefna hið sérstæða fjalllendi Montserrat sem er aðeins í 60 km. frá Barselóna. Þar teygja sig turnlaga fjallatopparnir í átt til himins og minna helst á sög en Serrat  þýðir skorið eða tennt fjall. Í fjöllunum er frægt  klaustur og kirkjan Santa Maria de Montserrat með sína svörtu Madonnu, verndardýrling musterisins sem er ofan við altarið. Sant Llorenç del Munt friðlandið er spennandi landsvæði sem einkennist af grófu,grýttu og veðruðu landslagi.Þaðan er útsýni yfir á sérskennilegar strítur og toppa Montserrat fjallgarðsins.  Að lokum er gengið í Montseny friðlandinu sem er á skrá UNESCO vegna einstakts lífríkis og dýralífs. https://vita.is/ferd/paskagonguferd-um-montserrat