Ganga á Helgafell í Mosfellsdal og súpa hjá Jóhönnu á Dalsá.

Göngu-Hrólfur á heimaslóð. Mosfell í Mosfellsdal fimmtudaginn 11.júní kl.17.30

Safnast er saman á Dalsá sem er norðan undir Helgafelli. Þaðan er gengið spölkorn á stíg meðfram þjóðveginum en síðan  haldið  upp á fjallið og yfir það.(216 m.y.s)  Komið er niður í Skammadal sem er  ævintýraland með matjurtagörðum og garðhúsum sem sum minna á dúkkhús. Þá er gengið gegnum dalinn og niður að Dalsá. 
 Gangan sem er rúmir 6 kílómetrar ætti að taka um tvo tíma.
Á Dalsá skoðum við garðinn sem er einstaklega skemmtilegur. Þar rekur Jóhanna B. Magnúsdóttir garðyrkjustöð, ræktar lífrænt grænmeti og býður einnig upp á ýmis konar fræðslu og samkomur sem margar hverjar tengjast gróðri og náttúrunni. Jóhanna er garðyrkjufræðingur og á að baki menntun í waldorf - uppeldisfræði.
 Væntanlega eru eitthverjir orðnir svangir og því kærkomið að bragða á ljúfengri súpu úr lífrænu grænmeti að hluta til úr garðinum.  
Nánari upplýsingar og skráning á netfanginu steinunnf50@gmail.com

---